Քաղաքակրթական ներուժը կեցության բարձրագույն արժեք է:

Պետք է օգտագործել վիրտուալ իրականություն արտացոլող հատուկ ակնոցներ

09.19.2017

Այսօր՝ սեպտեմբերի 19-ին մեկնարկում է ժամանակակից արվեստի Մոսկվայի 7-րդ բիենալեն: «Անտառներ ամպերի ետևում» անվանումը կրող միջոցառումը տեղի է ունենալու Նոր Տրետյակովյան պատկերասրահում, որը ղեկավարելու է Տոկիոյի ժամանակակից արվեստի թանգարանի արթ-տնօրեն Յուկո Հասեգավան: Այդ մասին հաղորդում է «taglur.am»-ը՝ հղում անելով «iz.ru»-ին:

Բիենալեի շրջանակներում կներկայացվի իսլանդացի երգչուհի, կոմպոզիտոր և նկարիչ Բյորքի «Björk Digital» նախագիծը, որը կազմված է 6 աուդիովիզուալ ստեղծագործություններից՝ հիմնված երգչուհու Biophilia (2011) ևVulnicura (2015) ձայնապնակներում տեղ գտած կատարումների վրա:

Ցուցադրանքը ենթադրում է, որ հանդիսատեսը պետք է օգտագործի վիրտուալ իրականություն արտացոլող հատուկ ակնոցներ և սմարթֆոններ:

Այս նախագիծը ցուցադրվել է արևմտյան երկրների խոշորագույն թանգարաններում:

Ասենք, որ բիենալեում մեծ թիվ կկազմեն ռուսաստանցի արվեստագետները: Այն կշարունակվի մինչև 2018թ.-ի հունվարի 18-ը:

Տեսանյութեր

Դիտվել է 289 անգամ