Քաղաքակրթական ներուժը կեցության բարձրագույն արժեք է:

Տումինասը կարծում է, որ դատավորին պետք է դատել և ազատազրկել

09.27.2019

«Ես ցանկանում եմ մեր ողջ թատրոնի անունից դժգոհություն արտահայտել Պավել Ուստինովի գործի կապակցությամբ և դրա մասին արտահայտվել ոչ այն պատճառով, որ նա մեր գործընկերն է»,- օրերս հայտարարել է Փարիզում հյուրախաղերով հանդես եկող Մոսկվայի Վախթանգովի անվան թատրոնի գեղարվեստական ղեկավար Ռիմաս Տումինասը:Այդ մասին տեղեկացնում է «taglur.am»-ը`հղում անելով «teatral-online.ru»-ին:

Ռեժիսորը կարծում է, որ Ուստինովի նկատմամբ հարուցված գործը ողջախոհության սահմաններից դուրս է և խառնված է անիրավության հետ:

«Մարդը պարզապես կանգնած է եղել հրապարակում, խոսելիս է եղել հեռախոսով, և նրա վրա են հարձակվել ոստիկանության աշխատակիցները, ծեծի ենթարկել նրան»,- իր զարմանքն է արտահայտել Տումինասը:

Բայց նա նաև ենթադրում , որ կարող է ոստիկանները հարձակվել են ինչ-որ մեկի ցուցմունքով, գուցե և սխալմամբ...

«Բայց ինչպես կարող էր սխալվել դատավորը քննության ժամանակ՝ անմեղ մարդուն դատապարտելով երեք ու կես տարվա ազատազրկման»,- հարցնում է արվեստագետը և եզրակացնում, որ այդ դատավորին, դրանից հետո, պետք է դատել և ազատազրկել: Ըստ նրա, Ռուսաստանում այդպիսի դատավճիռներ հաճախ են արձակվում, որոնք հեղինակազրկում են և իշխանություններին ևերկիրը: Այս երևույթը Տումինասը համարում է անթույլատրելի, ամոթալի և վարկաբեկիչ:

Տումինասը կարծիք է հայտնել, որ այս խնդիրը շուտով կլուծվի: Երիտասարդ դերասանը կվերադառնա իր գործին և ամեն ինչ լավ կլինի: Բայց նա նաև ավելացնում է, որ «ուրախանալով անհուսալի իշխանությամբ, մենք չենք մոռանում այն պահերի դառնությունը, որոնք տեղ են գտնում մեր կյանքում, և ամենուր՝ աշխարհում:

Հիշեցնենք, որ դերասան Պավել Ուստինովը դատապարտվել էր 3,5 տարվա ազատազրկման՝ չթույլատրված բողոքի ակցիային մասնակցելու, Ռոսգվարդիայի զինվորներին դիմադրություն ցույց տալու և նրանցից մեկին մարմնական վնաս հասցնելու մեղադրանքով:

Դրանից հետո սեպտեմբերի 20-ին, Մոսկվայի քաղաքային դատարանը քննել է դերասան Պավել Ուստինովին ազատ արձակելու ՌԴ Գլխավոր դատախազության միջնորդությունը և փոխել է նրա խափանման միջոցը և ազատ է արձակել մեկուսարանից՝ ստորագրությամբ չբացակայելու պարտավորությամբ:

Սեպտեմբերի 26-ին նույն դատարանը քննելով Ուստինովի պաշտպանների բողոքարկումը, որոշել է գործի քննությանը կրկին անդրադառնալ կապված առաջիկայում պաշտպանության կողմից նոր ապացույցների հավանական ներկայացման հավանականությունը:





Այս թեմայով այլ հղումներ-1
Այս թեմայով այլ հղումներ-2


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 17 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324